عالیہ خان کا بلاگ

  نومبر کا مہینہ آتے ہی فضا بدل جاتی ہے ہوا میں نرمی اترتی ہے دھوپ کا مزاج بھی ٹھہرا ہوا ہو جاتا ہےاور پودے جیسے آہستہ آہستہ مسکرانے لگتے ہیں۔  نومبر کے  مہینے میں درختوں کے پتوں کا زرد اور سرخ ہونا فطرت کے نئے چکر کی علامت ہے  گویا زمین خود کو سردیوں کے لیے تیار کر رہی ہو نومبر کا موسم ٹھنڈی ہوا نرم دھوپ اور راتوں کی ہلکی خنکی کے ساتھ ایک ایسا ماحول بناتا ہے جس میں پودے اپنی اگلی نشوونما کے مرحلے کی تیاری کرتے ہیں یہ وقت باغبانوں کے لیے نہ صرف صفائی اور تیاری کا ہے بلکہ غور و فکر کا بھی کہ کون سے پودے سردیوں میں رہیں گے اور کن پودوں کو آرام دیا جائے گا یہ وہ وقت ہے جب پودوں کو بہت زیادہ پانی کی ضرورت نہیں ہوتی ہوا ٹھنڈی ہونے لگتی ہے اور مٹی میں نمی دیر تک رہتی ہے اس لیے پانی روز نہ دیں بس مٹی کو دیکھ کر ضرورت کے مطابق پانی  دیں  گرمیوں کے مقابلے میں اب پودوں کو کم پانی کی ضرورت ہوتی ہے کیونکہ بخارات کم بنتے ہیں۔ تاہم مٹی کو خشک نہیں ہونے دینا چاہیے باغبانوں کو یہ دیکھنا چاہیے کہ پانی جڑوں تک پہنچ رہا ہے یا نہیں کیونکہ سردیوں میں زیادہ پانی دینا بھی نقصان د...

                2025     آئیے باغبانی سیکھئے  ہماری صحت  ہمارے لیے سب سے بڑی نعمت ہے عقلمندی یہ ہے کہ  کسی بھی مرض میں مبتلہ ہونے سے پہلے ہی احتیاطی تدابیر اختیار کرلی جائیں  ہماری احتیاط ہی ہمیں آئندہ مزید بیماری کے بڑھنے سے بھی بچا سکتی ہےاس کے لئے ضروری ہے کہ اپنی غذا پر توجہ دیں اپنی نیند پوری کریں رات میں جلدی سوئیں صبح جلد اٹھیں واک کریں ورزش  کریں اور   اپنے ماحول  کو  صاف ستھرا رکھیں بہتر آکسیجن اور ہوا کے لئے ضروری ہے کہ زیادہ سے زیادہ درخت لگائیں۔ماحول کو بہتر ہم اس ہی وقت بنانے کے قابل ہوں گے جب ہم  خود صحت مند ہوں بیمار انسان کیا ماحول کو صحیح کرسکے گا۔مارکیٹ کی زہریلی اور مضر صحت سبزیاں کھانے کی بجائے کوشش کریں کہ  اپنی سبزیاں خود اگائیں ۔  اپنی صحت کی حفاظت کے لیے جو آسانی سے کرسکتے ہیں وہ ہم کریں ۔جب ہم باغبانی  کی بات کرتے ہیں تو ہم مختلف  پودے اپنے گھر میں رکھتے ہیں جن میں   مختلف  سجاوٹی اور پھولوں والے پودے بھی ہوتے ہیں  پھول...

  شجر کاری میں مہنگائی رکاوٹ نہیں ہے۔ شجرکاری ماحولیاتی تحفظ، آلودگی میں کمی، موسمیاتی توازن اور حیاتیاتی تنوع کے لیے  نہایت اہم ہے۔  اکثر یت کے خیال میں شجرکاری کے لیے مہنگے پودے خریدنا ضروری ہیں جب کہ حقیقت یہ ہے کہ شجر کاری صرف مہنگے نرسری کے پودے خرید کر ہی نہیں ہوتی، بلکہ سستے اور قدرتی طریقوں سے بھی ممکن ہے۔ ذیل میں چند طریقے دئے جارہے ہیں جن پر عمل کرکے ہر فرد  شجر کاری میں حصہ لے کر اپنے حصہ کا پودا لگا سکتا ہے ۔ 1ـ موسم کی سبزیوں اور پھلوں کے بیجوں سے نئے پودے اگائیں آم، جامن، لیچی، پپیتا، مالٹا، لیموں، انار، تربوز، خربوزہ وغیرہ کے بیج گھریلو پھلوں سے حاصل کریں۔انہیں مٹی میں لگا کر آپ مفت پودے اُگا سکتے ہیں۔         2- کچھ سبزیوں جیسے جڑوں والی سبزیاں گاجر مولی شلجم چقندر کے اوپر کے حصہ کو کاٹ کر زمین میں لگایا جائے تو پودے نکل آتے ہیں ان پودوں سے ان سبزیوں کے بیج تیار کرسکتے ہیں کچھ سبزیوں جیسے اوریگینو تلسی نیازبو پودینہ کی شاخیں لگادی جائیں تو پودے نکل آتے ہیں ۔اس کے علاوہ جڑوں والی سبزیوں آلو ادرک اروی کو بیج کے طور پر لگا سکت...

  سسرال میں دل کیسے لگائیں ؟ ایک نئی زندگی کی شروعات ہر لڑکی کو۔ ایک دن اپنا میکہ ماں باپ کا گھر چھوڑنا پڑتا ہے اپنے سسرال جانا ہی ہوتا ہے اور وہ ہی اس کا اصل گھر ہوتا ہے اگر جوائنٹ فیملی سسٹم ہے تو سسرال میں دل لگانا سسرال والوں کا دل جیتنا تھوڑا مشکل ضرور ہوتا ہے لیکن سمجھدار لڑکیاں جنھوں نے اپنی ماں سے یہ گر سیکھا ہوتا ہے وہ آسانی اور سمجھداری کے ساتھ سسرال کو بھی ایک دن اپنا میکہ بنالیتی ہیں شادی کے بعد سسرال میں دل لگانا ہر لڑکی کے لیے ایک بڑا جذباتی اور عملی مرحلہ ہوتا ہے۔ شادی کے بعد لڑکی کے لیے ایک نئی زندگی، نیا ماحول، اور نئے رشتوں کا آغاز ہوتا ہے۔سسرال ایک نیا ماحول ہےاس ماحول میں  دل لگنے میں وقت لگتا ہے۔شروع میں سب کچھ اجنبی لگ سکتا ہے، لیکن آہستہ آہستہ انسیت پیدا ہوتی ہے۔شادی کےبعد سسرال میں دل لگانے کے لیے سب سے پہلی چیز ہے صبر۔ہر رشتہ وقت مانگتا ہے، اور وقت کے ساتھ محبت جنم لیتی ہے. لڑکی کو چاہیے کہ سسرال میں گھر کے افراد سسر، ساس، دیور، نند وغیرہ سب کے ساتھ ادب، محبت اور عزت سے پیش آئیں۔ان کے مزاج، پسند و ناپسند کو سمجھنے کی کوشش کریں۔ گھر کے کاموں اور معا...

  جولائی کے مہینے  میں پودوں کی دیکھ بھال جولائی کا مہینہ پاکستان میں گرمیوں کے اختتامی مرحلے اور برسات کے آغاز کی نمائندگی کرتا ہے۔ اس موسم میں نمی میں اضافہ ہوتا ہے، کچھ علاقوں میں شدید بارشیں ہوتی ہیں جبکہ کچھ مقامات پر دھوپ اور حبس برقرار رہتا ہے۔ اس ماہ میں پودوں کو خاص توجہ اور مناسب دیکھ بھال کی ضرورت ہوتی ہے تاکہ وہ صحت مند اور تروتازہ رہیں۔ درج ذیل نکات جولائی میں باغبانی کے حوالے سے رہنمائی فراہم کرتے ہیں- 1 ـ پودوں کو پانی دینا ۔ جولائی کے مہینے  میں بارش کی وجہ سے زمین میں نمی زیادہ ہو تی ہے، اس لیے روزانہ پانی دینے کی ضرورت نہیں ہوتی۔گملوں کے پودوں میں پانی جمع نہ ہونے دیں ورنہ جڑیں گل سکتی ہیں۔ پانی دینے سے پہلے مٹی چیک کریں۔ 2 -جڑی بوٹیوں کی صفائی برسات کے موسم میں غیر ضروری جڑی بوٹیاں تیزی سے اگتی ہیں جو پودوں کی خوراک چوس لیتی ہیں۔ ان کو باقاعدگی سے صاف کریں۔ 3ـ بیماریاں اور کیڑے نمی کی زیادتی کی وجہ سے پودوں پر فنگس، افڈز . میل بگز  اور دیگر کیڑے لگ سکتے ہیں۔ قدرتی اسپرے (جیسے نیم کے پتوں کا پانی لہسن، یا صابن کا  پانی) استعمال کریں...

            کیا انڈہ کھانا ہماری صحت کے لیے ضروری ہے ؟ صحت مند رہنے کے لیے ضروری ہے کہ متوازن غذا کھائی جائے اور ہر غذا اعتدال میں ہی کھائی جائے ۔کچھ غذاؤں کی تاثیر ٹھنڈی ہوتی ہے اور کچھ غذائیں گرم تاثیر والی ہوتی ہیں، مگراس کا مطلب یہ نہیں کہ مخصوص غذاؤں کو مخصوص موسم میں ہی کھایا جائے ۔ انڈوں کو سردی گرمی دونوں موسم میں کھا سکتے ہیں۔ آپ نے بھی یہ ضرور سنا ہوگا کہ  جتنی دور انڈہ اتنی دور اپ کی صحت شاید اس ہی لیے انڈے کو ایک مکمل غذا کہا جاتا ہے۔ انڈہ دیسی ہو تو بہت اچھا ہے ورنہ برائلر مرغی کا انڈہ بھی کھا سکتے ہیں برائلر مرغی کے انڈے میں اتنے نقصان دہ اجزا نہیں ہوتے جتنے اس کے  گوشت میں ہوتے ہیں ۔اس لیے یہ کھانے کے لیے بہتر ہے ۔ اگر آپ اپنی غذا میں روزانہ انڈہ شامل کریں تو بہت سی بیماریوں جن میں بلڈ پریشر ،کولسٹرول،تھائیرائڈ، خشکی (جسم میں کہیں بھی ہو یہاں تک کہ آنکھوں کی خشکی) ،ارتھرائٹس، قوت مدافعت کی کمی،دماغی کمزوری جس میں یادداشت کا جانا بھی شامل ہے ،وٹامن ڈی کی کمی ،کینسر،مینوپاس کے مسائل ،جسمانی کمزوری،جلد ،بال ...

 الیکٹرو لائٹس کے بارے میں آپ نے سنا ہوگا آج آپ کو بتاتے ہیں کہ الیکٹرولائٹس کیا ہوتے ہیں ؟ہمارے جسم میں ان کی ضرورت اور اہمیت کیا ہے ؟ان کی کمی سے کیا نقصانات ہوتے ہیں ؟ الیکٹرو لائٹس کی کمی کو کس طرح پورا کیا جاسکتا ہے ؟ ہمارا دماغ، پٹھوں، دل، اور جسم کے دوسرے حصوں کو اعصابی پیغامات   بھیجتا ہے۔ یہ سگنلز بجلی کی لہروں جیسے ہوتے ہیں، اور ان کی رفتار بہت تیز ہوتی ہے۔ یہ سگنلز الیکٹرولائٹس  کے بغیر نہیں چل سکتے۔الیکٹرولائٹس  جسم میں موجود وہ معدنیات ہوتے ہیں جو خون، پیشاب، رطوبتوں اور خلیات میں پائے جاتے ہیں۔ یہ پانی میں گھل کر مثبت یا منفی چارج والے آئنز  بناتے ہیں اور بجلی کی ترسیل   کے لیے ضروری ہوتے ہیں۔ یہ جسم کے اہم افعال جیسے کہ اعصابی پیغامات کی ترسیل، عضلات کی حرکت، ہائیڈریشن اور لیول کو متوازن رکھنے میں مدد کرتے ہیں۔جب الیکٹرو لائٹس کا توازن بگڑتا ہے، تو سگنل بھی             کمزور یا غلط ہو جاتے ہیں۔ اس بات کو آپ نے انگلی جلتی چیز پر رکھی دماغ کو پیغام گیا "جل رہا ہے!" دماغ فوراً کہتا ہے: "ہاتھ ہٹا لو!" ...