2025 آئیے باغبانی سیکھئے
ہماری صحت ہمارے لیے سب سے بڑی نعمت ہے عقلمندی یہ ہے کہ کسی بھی مرض میں مبتلہ ہونے سے پہلے ہی احتیاطی تدابیر اختیار کرلی جائیں ہماری احتیاط ہی ہمیں آئندہ مزید بیماری کے بڑھنے سے بھی بچا سکتی ہےاس کے لئے ضروری ہے کہ اپنی غذا پر توجہ دیں اپنی نیند پوری کریں رات میں جلدی سوئیں صبح جلد اٹھیں واک کریں ورزش کریں اور اپنے ماحول کو صاف ستھرا رکھیں بہتر آکسیجن اور ہوا کے لئے ضروری ہے کہ زیادہ سے زیادہ درخت لگائیں۔ماحول کو بہتر ہم اس ہی وقت بنانے کے قابل ہوں گے جب ہم خود صحت مند ہوں بیمار انسان کیا ماحول کو صحیح کرسکے گا۔مارکیٹ کی زہریلی اور مضر صحت سبزیاں کھانے کی بجائے کوشش کریں کہ اپنی سبزیاں خود اگائیں ۔ اپنی صحت کی حفاظت کے لیے جو آسانی سے کرسکتے ہیں وہ ہم کریں ۔جب ہم باغبانی کی بات کرتے ہیں تو ہم مختلف
پودے اپنے گھر میں رکھتے ہیں جن میں مختلف سجاوٹی اور پھولوں والے پودے بھی ہوتے ہیں پھولوں والے پودوں سے باغیچہ کی خوبصورتی بڑھتی ہے لیکن اگر اس کے ساتھ ساتھ ہم گھر میں سبزیاں بھی اگائیں تو ہمیں دوہرا فائدہ ہوگا یعنی ہمیں اپنے کچن کے لیے سبزیاں بھی ملیں گی اور ہمارے باغیچہ کی خوبصورتی بھی بڑھے گی اپنے گھر میں باغیچہ بنانا گھر میں پودوں کو اگانا بہت اسان ہے جبکہ بہت سے لوگ باغبانی کو بہت مشکل کام سمجھتے ہیں اگر باغبانی کی معلومات ہوں تو یہ بہت آسان اور دلچسپ کام ہے ۔ ہم گملوں میں بھی ہر طرح کی سبزیاں اور پودے اگاسکتے ہیں کچن گارڈننگ ورکشاپ سے آپ لوگ سیکھ سکتے ہیں کہ کم بجٹ میں رہ کر باغبانی کس طرح کی جاسکتی ہے؟کچن کے کچرے کو ڈسٹ بن میں ڈالنے کی بجائے پودوں کی کھاد کس طرح بناسکتے ہیں ؟گھر میں جگہہ نہیں ہے فلیٹ میں رہتے ہیں وہاں کیسے سبزیاں اگائی جائیں؟پودوں کو بیماریوں سے کیسے دور رکھیں؟ کون سے آرگنک پیسٹیسائڈز ہیں جو ماحول کو نقصان پہنچائے بغیر استعمال کیے جاسکتے ہیں ؟ گھر کی فالتو اشیاء کو کس طرح اپنے باغیچہ میں استعمال کیا جاسکتا ہے؟ گملے کون سے لیے جائیں کس طرح کے گملے لیے جائیں ؟ کتنے بڑے گملے میں کون سی سبزی کے پودے لگائے جاسکتے ہیں؟ پودے اگانے کے لیے بیج گھر سے ہی کیسے لے سکتے ہیں ؟ اور اپنی لگائی ہوئی سبزی سے بیج کیسے حاصل کرسکتے ہیں؟ گھر میں ہی سبزیوں کے بیج کس طرح تیار کرسکتےہیں؟ باغبانی میں استعمال ہونے والے ٹولز کون سے ہوتے ہیں؟ کم بجٹ میں رہتے ہوئے گھر کی اشیاء سے باغبانی کے ٹولز کیسے تیار کرسکتے ہیں ؟ پودوں کی کٹائی پروننگ پنچنگ مٹی کی گڈائی پودوں کو پانی کب کیسے اور کتنا دیا جائے؟ موسم کے لحاظ سے پودوں کی دیکھ بھال سبزیوں کے علاوہ دوسرے مختلف پودے پھولوں والے کیکٹس انڈور پودے درخت پھلوں کے پھولوں کے پودے ہربل پلانٹس اور بھی بہت بہت کچھ گارڈننگ میں شامل ہے۔
تبصرے
ایک تبصرہ شائع کریں