عالیہ خان کا بلاگ

ہم جو کھاتے ہیں وہ خون میں کیسے بدلتا ہے؟ انسانی جسم کی سب سے بڑی خصوصیت یہ ہے کہ وہ ہر لمحہ خود کو متوازن رکھنے کی کوشش کرتا ہے مگر جب ہم اپنی خوراک اور طرزِ زندگی میں بے احتیاطی کرتے ہیں تو یہی نظام آہستہ آہستہ بگڑنے لگتا ہے۔ گلوکوز کے حوالے سے سب سے اہم اور خطرناک پہلو یہ ہے کہ اس کا نقصان فوراً ظاہر نہیں ہوتا بلکہ خاموشی سے اندر ہی اندر بڑھتا رہتا ہے۔ انسان خود کو بظاہر ٹھیک محسوس کرتا ہے مگر اس کے خون میں گلوکوز کے بار بار بڑھنے اور گرنے کا عمل اس کے خلیوں، ہارمونز اور اندرونی نظام کو مسلسل متاثر کر رہا ہوتا ہے۔ یہ ہی وہ مرحلہ ہے جسے سمجھنا نہایت ضروری ہے کیونکہ یہیں سے بیماریوں کا آغاز ہوتا ہے۔انسان جب اپنی صحت کے بارے میں سوچتا ہے تو عموماً بیماری کے ظاہر ہونے کے بعد متوجہ ہوتا ہے حالانکہ جسم اس سے بہت پہلے اشارے دینا شروع کر دیتا ہے۔ ان اشاروں میں سب سے اہم مگر سب سے زیادہ نظر انداز ہونے والا اشارہ خون میں گلوکوز کا اتار چڑھاؤ ہے یہ اتار چڑھاؤ بظاہر معمولی محسوس ہوتا ہے لیکن حقیقت میں یہی وہ خاموش عمل ہے جو آہستہ آہستہ جسم کے اندرونی نظام کو متاثر کر کے تھکن، بھوک کی شدت، موڈ م...

 جدید بیماریوں کی اصل  کہانی  انسانی جسم ایک نہایت پیچیدہ مگر حیرت انگیز نظام ہے جس میں بظاہر معمولی نظر آنے والے عناصر درحقیقت ہماری پوری زندگی کو متاثر کر رہے ہوتے ہیں۔ ان ہی میں سے ایک بنیادی عنصر گلوکوز ہے جسے ہم عام طور پر صرف “خون میں شکر” سمجھ کر نظر انداز کر دیتے ہیں۔ حقیقت یہ ہے کہ گلوکوز محض ایک غذائی جزو نہیں بلکہ جسم کی توانائی، دماغی کارکردگی، جذباتی کیفیت، بھوک، نیند اور طویل مدتی صحت کا مرکزی ستون ہے۔ جدید سائنسی تحقیقات، خصوصاً میٹابولزم اور اینڈوکرائنولوجی کے شعبوں میں ہونے والی ریسرچ اس بات کو واضح کرتی ہے کہ گلوکوز کا توازن برقرار رکھنا نہ صرف بیماریوں سے بچاؤ کے لیے ضروری ہے بلکہ ایک متوازن اور صحت مند زندگی کے لیے بھی بنیادی حیثیت رکھتا ہے۔ جب ہم غذا استعمال کرتے ہیں خاص طور پر وہ غذا جس میں کاربوہائیڈریٹس شامل ہوں تو ہمارا نظامِ ہاضمہ انہیں توڑ کر سادہ اجزاء میں تبدیل کرتا ہے جن میں سب سے اہم گلوکوز ہے۔ یہ گلوکوز خون میں شامل ہو کر جسم کے مختلف خلیوں تک پہنچتا ہے، جہاں اسے توانائی میں تبدیل کیا جاتا ہے۔ اس پورے عمل کو ایک نہایت منظم ہارمونی نظام کنٹر...

  کیا آپ باسی روٹی ضائع کرتے ہیں؟ جان لیں اس کے حیران کن فائدے روٹی انسانی تہذیب کا ایک ایسا حصہ ہے جو صرف خوراک نہیں بلکہ زندگی کی علامت بن چکی ہے۔ صدیوں سے یہ ہر دسترخوان کی زینت، ہر گھر کی ضرورت اور ہر طبقے کی مشترکہ غذا رہی ہے۔ اس کی سادہ سی شکل میں ایک عجیب سی کشش ہوتی ہے تندور سے نکلتی ہوئی گرم روٹی کی خوشبو، اس کی نرمی اور اس کا ذائقہ دل و دماغ کو ایک خاص سکون دیتا ہے یہ ہی وجہ ہے کہ روٹی کو محض ایک کھانے کی چیز نہیں بلکہ رزق، برکت اور گھریلو محبت کی علامت سمجھا جاتا ہے مگر جب یہی روٹی وقت گزرنے کے ساتھ اپنی تازگی کھو دیتی ہے اور باسی ہو جاتی ہے تو اکثر اسے بے وقعت سمجھ کر نظر انداز کر دیا جاتا ہے حالانکہ حقیقت اس کے برعکس ہے۔ باسی روٹی دراصل ایک ایسی غذا ہے جس کے اندر سائنسی اعتبار سے کئی اہم تبدیلیاں رونما ہو چکی ہوتی ہیں جب روٹی تازہ ہوتی ہے تو اس میں موجود نشاستہ جلدی ہضم ہو کر فوری توانائی فراہم کرتا ہے  لیکن وقت گزرنے کے ساتھ یہی نشاستہ اپنی ساخت بدل لیتا ہے اور ایک خاص شکل اختیار کر لیتا ہے جسے ریزسٹنٹ اسٹارچ کہا جاتا ہے۔ یہ ایسا نشاستہ ہوتا ہے جو فوری طور پر ہ...

 گلوکوز یعنی خون میں  شکر کا ہونا۔  ہمارے جسم کی توانائی کا سب سے اہم ذریعہ ہے اور یہ صرف توانائی تک محدود نہیں بلکہ جسم کے تقریباً ہر عمل کا مرکزی کنٹرول سسٹم بھی ہے۔ ہر خلیہ، ہر احساس، ہر حرکت، ہر سوچ، اور ہر توانائی کا لمحہ گلوکوز کے توازن سے جڑا ہوا ہے۔ بہت سے لوگ یہ سوچتے ہیں کہ گلوکوز کی فکر صرف وہ لوگ کرتے ہیں جو ذیابیطس کے مریض ہیں لیکن حقیقت یہ ہے کہ ہر انسان کی روزمرہ زندگی، موڈ، بھوک، نیند، وزن اور طویل مدتی صحت گلوکوز کے توازن سے متاثر ہوتی ہے خواہ وہ اسے محسوس کرے یا نہ کرے۔ اکثر لوگ گلوکوز کو صرف چینی یا مٹھائی سے جوڑتے ہیں لیکن یہ بالکل درست نہیں۔ جسم میں گلوکوز صرف شکر کھانے سے نہیں بلکہ کاربوہائیڈریٹس والے ہر غذائی جزو سے آتا ہے۔ جیسے گندم، چاول، آلو، دلیہ، جوس، سفید بریڈ، پاستا، یا کسی بھی قسم کا زیادہ پروسیس شدہ کاربوہائیڈریٹ۔ یہ غذائیں جسم میں جلد ہضم ہو کر گلوکوز میں تبدیل ہو جاتی ہیں اور خون میں گلوکوز کی سطح کو تیزی سے بڑھا دیتی ہیں۔ جب گلوکوز اچانک اور تیزی سے بڑھتا ہے، تو اسے "گلوکوز اسپائک" کہا جاتا ہے۔ یہ اسپائک جسم کے لیے ایک چیلنج ہوتا ہے، کیو...

  انڈہ: غذائیت کا چھوٹا مگر شاندار خزانہ انڈہ صرف ایک عام غذا نہیں بلکہ قدرت کی ایک چھوٹی مگر شاندار تخلیق ہے۔ اس کی شکل سادہ لگتی ہے لیکن اندر چھپے اجزاء اور کیمیائی اصول اسے ایک مکمل حیاتیاتی نظام بناتے ہیں۔ بظاہر یہ صرف سفیدی اور زردی پر مشتمل نظر آتا ہے لیکن ہر حصہ ایک مخصوص کام انجام دیتا ہے اور صحت کے لیے ضروری غذائیت فراہم کرتا ہے۔ انڈے کی ساخت اور غذائی اہمیت سفیدی: زیادہ تر پانی اور پروٹین پر مشتمل ہوتی ہے۔ یہ جنین کو تحفظ دیتی ہے اور پکانے پر اپنی شکل بدل کر مائع سے ٹھوس میں تبدیل ہوتی ہے۔ زردی: غذائیت کا ذخیرہ ہے، جس میں چکنائی، وٹامنز اور توانائی موجود ہوتی ہے۔ یہی وجہ ہے کہ زردی گاڑھی اور غذائیت سے بھرپور لگتی ہے۔ پکانے کے دوران پروٹین اپنی شکل بدلتا ہے۔ ہلکی آنچ پر نرم اور کریمی انڈہ ملتا ہے، جبکہ زیادہ حرارت سے سخت اور ربڑ جیسا محسوس ہوتا ہے۔ انڈے کی خاص خصوصیات ایمولسیفائر: انڈہ پانی اور چکنائی کو ملا کر ہموار ساخت پیدا کرتا ہے جس سے مایونیز اور دیگر ساسز میں اجزاء الگ نہیں ہوتے۔ جھاگ بنانے کی صلاحیت: سفیدی کو پھینٹ کر ہوا شامل کی جاتی ہے جو کیک اور...

 دودھ باہر ایک عام سی روزمرہ کی چیز لگتی ہے  لیکن جب ہم اس کے اندر چھپی ہوئی سائنس کو دیکھتے ہیں تو یہ حقیقت میں ایک مکمل غذائی نظام نظر آتا ہے۔ دودھ میں پانی، توانائی دینے والے اجزاء، پروٹین، چکنائی اور حفاظتی عناصر سب ایک ساتھ موجود ہوتے ہیں جس کی وجہ سے اسے ابتدا میں “مکمل غذا” کہا گیا۔ یہ نہ صرف بچوں کی نشوونما کے لیے ضروری ہے بلکہ بالغوں کے لیے بھی ہڈیوں کی مضبوطی، جسمانی توانائی اور صحت مند ہارمونل توازن کے لیے اہم کردار ادا کرتا ہے۔ دودھ کا سب سے بڑا حصہ پانی پر مشتمل ہوتا ہے مگر اس میں موجود اجزاء جیسے چکنائی اور پروٹین اپنی الگ خصوصیات رکھتے ہیں۔ چکنائی پانی میں حل نہیں ہوتی بلکہ چھوٹے چھوٹے قطرے بناتی ہے جو ایک باریک جھلی میں بند ہوتے ہیں تاکہ ایک دوسرے سے جڑ نہ سکیں اس وجہ سے تازہ دودھ ہموار مائع لگتا ہے لیکن اگر اسے کچھ دیر چھوڑ دیا جائے تو چکنائی اوپر آ کر جمع ہو جاتی ہے اور ملائی کی شکل اختیار کر لیتی ہے۔ یہ قدرتی عمل بتاتا ہے کہ دودھ محض پانی یا حل شدہ اجزاء کا مرکب نہیں بلکہ ایک حساس امتزاج یا حساس مکسچر  ہے جس میں اجزاء ایک مخصوص توازن میں رہتے ہیں۔ دودھ ...

رمضان المبارک کا مہینہ مسلمانوں کے لیے رحمت، مغفرت اور نجات کا پیغام لے کر آتا ہے۔ اس مہینے کی فضا میں ایک خاص روحانیت، سکون اور بندگی کا احساس شامل ہوتا ہے۔ جب یہ مہینہ شروع ہوتا ہے تو دلوں میں عبادت کا شوق بڑھ جاتا ہے مساجد آباد ہو جاتی ہیں اور لوگ اپنے رب کے قریب ہونے کی کوشش کرتے ہیں۔ اسی بابرکت مہینے کی ایک نہایت خوبصورت اور با معنی عبادت اعتکاف ہے۔ لفظ اعتکاف عربی زبان کے لفظ “عکف” سے نکلا ہے جس کے معنی ہیں کس  جگہ ٹھہر جانا، یکسوئی کے ساتھ کسی کام میں لگ جانا یا اپنے آپ کو کسی مقصد کے لیے مخصوص کر لینا۔ اسلامی اصطلاح میں اعتکاف کا مطلب یہ ہے کہ کوئی مسلمان اللہ کی رضا کے لیے کچھ دنوں کے لیے دنیاوی مصروفیات سے الگ ہو کر عبادت کی نیت سے مسجد یا گھر کی مخصوص جگہ میں ٹھہر جائے اور زیادہ سے زیادہ وقت عبادت، ذکر اور دعا میں گزارے۔ اعتکاف عام طور پر رمضان کے آخری عشرے یعنی آخری دس دنوں میں کیا جاتا ہے۔ مسلمان مرد حضرات عموماً مسجد میں اعتکاف کرتے ہیں جبکہ خواتین اپنے گھر میں کسی صاف اور پرسکون جگہ کو عبادت کے لیے مخصوص کر کے اعتکاف کرتی ہیں۔ رمضان کے بیسویں روزے کے بعد جب سورج غروب...